VIGAN CITY – Nagtinnulagen ti Philippine Sports Commission ken ti Ilocos Sur Provincial Government a ti 2022 Batang Pinoy National Championships ket mangrugi inton December 17 agingga 22.
Suportaran ti Philippine Sports Commission (PSC) ken ti probinsia nga Ilocos Sur ti singasing ti Department of Education nga iyakar ti petsa ti Batang Pinoy 2022 tapno saan a maapektaran ti Academic Calendar-da.
Immunan a naiwaragawag a dagiti sumrek iti probinsia kangrunaan iti siudad ti Vigan para iti nasao nga event ket agkasapulan iti complete vaccination ken maysa a booster, ken saanen a kasapulan ti RT-PCR test.
Dagiti met saan pay nakakompleto ti bakunana gapu ti parikutda iti salun-at ket kasapulan ti RT-PCR wenno saliva test.
1,830 a medalya ti nakailatang para kadagiti sangapulo ket innem a sports, walo ti maisayangkat babaen ti virtual ken walo met ti face-to-face format.
Ti arnis, dancesports, judo, karate, muay, pencak silat, taekwondo ken wushu ti maisayangkat virtual idinto a ti archery, athletics, badminton, chess, cycling, table tennis, swimming, weightlifting, ken obstacle course ti maisayangkat iti face ti face.
