VIGAN CITY – Namnamaen ti Philippine Sports Commision a mayaramidan pay ti Commission on Elections iti wagas tapno makabotos met laeng dagiti atleta ken coaches a makipaset ti Southeast Asian Games idiay Hanoi, Vietna,.
Immunan nga impatungpal ti COMELEC a dagiti national athlete a makipaset iti SEA Games inton May 12 agingga 23 ket saan a karaman iti Local Absentee Voting.
Iti pannaki-uman ti Bombo Radyo Vigan ken ni PSC Commissioner Ramon Fernandez, nagpatulongdan iti kongreso ken iti senado tapno masolusyonan ti nasao a banag ken makabotos met laeng dagiti nasurok kumurang sangaribo nga atleta.
May 12 ti panangrugi ti ay-ayam iti SEA Games ngem masapul met a nasapsapa a mapan dagiti atleta ken coaches idiay Hanoi, Vietnam tapno makapag-ensayo ken mai-sanayda ti bagida iti venue.
Nupay kasta, pagpatangandanto ni Philippine Olympic Committee President Bambol Tolentino no anianto ti diskarte nga aramidenda.
