VIGAN CITY -Dinayaw ni Philippine Sports Commission Commissioner Noli Eala ti kalkalpas a hosting ti probinsia iti Batang Pinoy ket imbilangna a maysa kadagiti kamayatan a nakitadan nangruna ta nabayag nga awan gapu ti Covid19 pandemic.
Segun ken ni Eala, napaneknekan a ti Batang Pinoy ket maysa a fertile ground iti panangbigbig iti talugading kasta payen a dinayawna ti balligi a hosting ti probinsia agsipud ta awan unay dagiti napasaranda a parikut isu a maragsakan no ania ti nagbanagan ti nasao a paay-ayam.
Para ken ni Eala a perperkto ti panaghost ti probinsia ta saanna laeng nga impakita iti kabaelanna nga aghost gapu kadagiti pasilidadna no di ket uray ti resources ken manpower tapno agbalin a posible ti nasao a big event.
Natalek met ti opisial nga ad-adunto pay nga events ti pakibinnuliganda iti probinsia.
Iti agdama, awan pay laeng ti napagdesisyonanda a sumaruno a lugar a manghost iti Batang Pinoy inton umay a tawen numan pay addan dagiti nangidiaya ngem impanamnama ti opisial nga ad-adunton dagiti events a pakisalian dagiti atleta.
