VIGAN CITY – Maisardeng pay laeng iti transaksyon iti publiko ti Philippine Statistics Authority CRS Outlet iti UNP Town Center, Tamag, Vigan City agingga saan a maleppas iti pannakaidalan ti Modified Enhanced Community Quarantine iti siudad ti Vigan.
Binalakadan ni Chief Statistical Specialist Reynor Fernando dagiti kliyente nga agturong ti PSA CRS Outlet a masarakan idiay San Fernando City, La Union wenno kadagiti ili nga operational ti Batch Request System para iti civil registry document request.
Dagiti nasao nga ili ket pakairamanan ti Cervantes, Gregorio del Pilar, Lidlidda, Quirino, San Emilio, San Esteban, Suyo ken Tagudin.
Nakasarra pay ti PhilSys Fixed Registration Center a masarakan met laeng iti UNP Town Center agingga saan a maleppas iti MECQ.
Ti nasao nga addang ket kas panangsurot ti Provincial Government Executive Order No. 96 series of 2021 a pannakaidalan ti MECQ iti siudad ti Vigan manipod August 9 agingga August 23, 2021.
