VIGAN CITY – Nasair iti rikna ni Vice Governor Ryan Singson gapu ti saan a panangsurot ti Local Finance Committee iti Provincial Ordinance 115 wenno ti pannakaipatungpal ti nangangato a rate iti job orders ken ti contract of service.
Iti programa a Ryanniag, pinasingkedan ni Vice Gov. Singson saanna a magustoan iti inaramid dagiti dadduma a mangidaulo ta saanda a nakipatang kenkuana iti panangibabada iti sueldo ti job orders.
Segun ti bise gobernador, nasaysayaat koma nu nagturongda iti Sangguniang Panlalawigan tapno maipakaammoda iti tignay nga aramidenda ta adda iti dati nga impatungpalna nga ordinansa idi isu pay la ti gobernador iti probinsia inaig iti nayon a sueldo dagiti jon order.
Ti nasao a banag ket gapu iti dati a 850 per day a sueldo dagiti technical engineer ket bimmaba iti 750 per day iti sueldoda nga epektibo idi July 1.
Inyunay-unayna nga adda iti linabsingda dagiti local finance committee ta ti laeng mabalinda nga aramiden ket agrekomendar ngem saan nga isuda iti mangngeddeng isu nga agaramiddanto iti desisyon tapno ma-sanction dagiti adda iti likudan ti nasao nga isyu.
Voice of Vice Governor Ryan Singson
