VIGAN CITY – Imbingay ni Ilocos Sur Provincial Administrator Cara Michelle Tabios a nagpositiboda iti covid-19 ti asawana a ni Ilocos Sur Provincial Jail Warden Raymond Tabios.
Maibasar iti social media post ti provincial administrator, asymptomatic isuna iti virus idinto a ni jail warden ket makapaspasar iti flu-like symptom ken aguyek.
Pinalagipanna dagiti tattao a ti covid-19 ket posible a mangpakaru pay kadagiti marigatan nga aganges, aggurigor, agkakapsot ken addaan iti long-term disabilities.
Gapu iti panagpositiboda ket kiddawna iti nainget a panagsurot iti quarantine procedures ken pakaammoan dagiti posible a nakapulapolda.
Inallukoyda ti publiko a rumuar laeng no adda iti napateg a papanan ken suruten iti mandatory health protocol kas iti panagaramat iti face mask, face shield ken suruten iti social distancing tapno maliklikanb iti panagwaras iti covid-19.
Innayonna pay nga ikararagan dagiti naapektaran iti nasao a sakit iti nadaras a panaglaingda ken manglawlawag kadagiti tattao a ti covid-19 ket saan a rabrabak laeng.
