Pinasingkedan ni Provincial Special Operation Chief Senior Fire Officer III Jonathan Alejon nga adda posibilidadna a makauram ti filter ti sigarilyo kadagiti lugan kangrunaan ket napudot iti paniempo.
Iti pannaki-uman ti Bombo Radyo Vigan Keni Alejon, mabalin a naka-produce ti ignition ti rungrong ti sigarilyo gapuanan iti pannaka-uram dagiti nagango a ruot a nakapalawlaw kadagiti lugan idiay ti napasamak a pannaka-uram dagiti lugan iti parking area ti Ninoy Aquino International Airport (NAIA) Terminal 3.
Adda pay posibilidadna nga iti nangnayon iti nakaro nga uram ket dagiti flammable liquid iti uneg ti lugan kas kuma ti alcohol, bangbanglo, ken cellphone.
Gapu dayta, nagpalagip ni Senior Fire Officer III Alejon kadagiti adda luganna a liklikan iti agibati dagiti flammable liquids iti uneg ti lugan, ken laglagipen nga iruar dagiti gadgets. //Bombo Mary Grace Beltran
