VIGAN – Insayangkat ti Technical Education and Skills Development Authority ti Provincial Skills Competition.
Walo a nadumduma nga skills area ti pagbabalubalan dagiti makipaset manipod ti probinsya kas ti Welding, Floor and Wall Tiling, Plastering and Drywall System, Electrical Installation, Carpentry, Bakery, Cooking ken Restaurant Service.
Nangrugi ti nasao a pasalip ita nga aldaw June 2 agingga inton bigat June 3 idiay Provincial Training Center Candon City, Ilocos Sur Community College ken Maxima Technical and Skills Training Institute Inc.
Naisayangkat ti opening ti Provincial Skills Competion idiay ISCC babaen kadagiti opisyales ti TESDA ken ti CEO ti NSCC ken Chairman ti Provincial Technical Education and Skills Development Committee Dr. Divina Quemi.
Agserbi ti nasao nga aktibidad a mangipakita ken mangbigbig ti kinalaing dagiti nagturpos ti technical vocational schools ken training center.
