--Ads--
Imbilinen ni Ilocos Sur Governor Jerry Singson iti Provincial ken Local Disaster Risk Reduction and Management Council nga agsagana a nalaing kagiddan ti manamnama nga isasangbay ti Super Typhoon Bavi iti pagilian.
Iti pannaki-uman ti Bombo Radyo Vigan ken ni PDRRMO Rhon Arquelada, nabilindan a mangisayangkat iti pre-disaster risk assessment tapno makita dagiti risk area wenno dagiti lugar a kasapulan a mai-evacuate.
Malaksid dayta, imbilinna pay ti inventory kadagiti equipment a kasapulan dagiti maseknan nga ahensia no agrespondeda.
Nupay kasta, pinalagipan ni Arquelada dagiti umili nga agalerto ken imonitor ti sasaaden ti paniempo.
-- ADVERTISEMENT --
No bilang makastrek iti pagilian ti STY Bavi iti pagilian ket mapanagananto nga “Inday”.
