VIGAN CITY – Saan a ninamnama ni Ilocos Sur Provincial Jail Warden Raymond Tabios iti pannakairamanna kas Top 10 Awardees for Most Outstanding Provincial Jail Employees Association of the Philippines (PJEAP) 2020.
Iti pannaki-uman ti Bombo Radyo Vigan ken ni Tabios, nakigtot laengen isuna idi adun iti mangkablaaw kenkuana inaig iti nasao a pammayaw manipod national.
Patien ni Tabios a ti pannakairamanna kas awardee ket gapu kadagiti aktibidad ken programa nga isaysayangkat ti provincial jail kas makita kadagiti post iti social media.
Kabayatanna, pinsingkedanna nga agtultuloy iti panangsurotda iti pagannurutan a maiparit pay laeng iti panangpasyar kadagiti Persons Deprived of Liberty (PDL) gapu iti covid-19 pandemic.
Nupay kasta ket adda iti maisaysayangkat nga E-Dalaw kadagiti PDL tapno makasaritada dagiti pamiliada.
