--Ads--
VIGAN CITY- Baklayenen ti provincial government ti panagparehistro dagiti lima pulo nga small and medium enterprises nga aglaklako kadagiti one-town one-product, idiay Bureau of Food and Drugs a ti pakadagupan a gatad na ket uppat a gasut a ribo a pisos tapno mapadakkel ti produksyon da.
Segun kenni Provincial Board Member Gina Cordero, saan a mailako dagiti produkto kadagiti groserya ken dadduma pay a pagtagilakwan agingga a saan da a mairehistro iti BFAD isu a tumulong ti gobierno tapno maital-o dagiti nasao nga one-town-one-product.
Inlawlawag met ti bokal a ti laeng initial registration ti baklayen ti provincial government isu a no ag-expire ket dagitin ton negosyante ti agbayad ta manamnama a ngumaton iti paglukuan da.
