Provincial bus ban, saan a kayat ti dati a gobernador ti Ilocos Sur

VIGAN CITY – Saan nga anamongan ni dati nga Ilocos Sur Governor ken agdama a Narvacan Mayor Luis “Chavit” Singson ti provincial bus ban idiay EDSA.

Kas maysa kadagiti akin-kukua iti provincial bus company, ammo ni Singson a dakkel to ti gastos dagiti pasahero nu maipatungpal iti nasao nga addang ta madoble ti plete da.

Dagiti ngamin aggapu ditoy Northern Luzon kas ditoy Ilocos Sur a mapan idiay Metro Manila ket agpatingga danto laengen idiay Valenzuela sa danto aglugan iti sabali a mapan iti lugar a papanan da.

Patien ti opisyal a dakdakkel to iti parikot ta ad-adun to manen iti pribado a lugan idiay EDSA ken adun a reklamo iti maawat iti gobiyerno manipud kadagiti commuters.