VIGAN CITY – Mangrugi itatta nga aldaw ti province-wide curfew idiay Abra manipud alas otso ti rabii agingga alas singko iti parbangon tapnu maliklikan ti coronavirus disease 2019.
Ti press briefing ni Governor Joy Bernos idi kalman, insakup na payen ti community quarantine iti intero a probinsiya ti Abra ket mabantayan amin nga entry ken exit points iti probinsiya.
Agpaot agingga April 16 ti deklarasyon a kas maibasar iti pinirmaan ni Bernos nga executive order.
Inlawlawag ti gobernador nga uray nu mapalubusan a sumrek idiay Abra dagiti agricultural products nga aggapu iti sabali a lugar, dagiti produkto dagiti mannalon idiay Abra ket saan a mapalubusan a mailako iti ruwar ti probinsiya.
Ti umuna a COVID- 19 patient idiay Abra a taga- Catacdegan Nuevo, Manabo ket natalgeden iti kasasaad na iti kaadda na idiay Ilocos Training Regional Medical Center.
