VIGAN CITY – Inlawlawag ni Governor Ryan Singson a nasurot amin a protocol ti probinsya sakbay a nakastrek dagiti artista a da Coco Martin ken kakadduada.
Segun kenni Governor Singson ti programa Ryanniag ti Ilocos Sur ti Bombo Radyo, dimmalan ti RT-PCR Test amin a crew ken dagiti main nga artista nga adda ti probinsya para iti shooting ti pabuyada ken sakbay iti panagturongda ti Ilocos Sur ket naipakammu kadakuadan nga istrikto dagiti pagannurutan.
Innayon ti gobernador nga adda ti napirmaan a memorandum of agreement ti nagbaetan ti probinsya ken ti gropo dagiti artista a nakailanad a masapol a masurot dagiti protocol.
Maysa kadagiti katulagan a masapol da a suruten ket iti pannakadalanda ti bubble wenno maymaysa ti ayanda ken awan iti interaksyon da kadagiti umili ti probinsya kasta met iti kanayon a panangipakammu ti gobyerno probinsya no adda ti rummuar a kadwada ket masapol a dumalanda manen ti testing.
Kiniddaw ni Singson kadagiti umili ken dagiti mangbabalaw ti probinsya a kitaen ti positibo nga ipaay ti kadda dagiti bisita ti probinsya ta maipakita iti kinapintas ti Ilocos Sur babaen iti kaddada.
