VIGAN CITY – Impakammu ni Governor Ryan Singson a saan pay a nagbaliw ti protocol a maipapatungpal ti probinsya kangrunaan dagiti agsubli manipod kadagiti nadumaduma a lugar.
Iti pannaki-uman ti Bombo Radyo Vigan kenni Gov. Singson, agtaltalinaed a ti vaccination card ken I.D para kadagiti fully vaccinated iti kasapolan nga ipresentar ti border sakbay a makastrek ken makaawid dagiti umili.
Kinuna ti gobernador nga agtultuloy iti panangmonitor da kadagiti mairerekord a kaso ti COVID19 sakbay da nga agdesisyon no agbaliw ti protocol.
Innayon ni Singson a masapol nga iuray iti pakammu manipod ti provincial government sakbay a mamati kadagiti madamdamag dagiti umili iti ruar kangrunaan iti kallabes a fake news a rimmuar maipasidong ti probinsya ti Alert Level 3.
