VIGAN CITY – Saanen a nakaro iti panagprotesta dagiti residente idiay Minneapolis, Minnesota kalpasan iti mano nga aldaw a rally gapu iti pannakatay ti black American a ni George Floyd.
Iti pannaki uman ti Bombo Radyo Vigan kenni Eric Sumangil, maysa a mangisursuro, actor, ken mannurat iti nasao a lugar, natalna iti pannakaisayangkat iti protesta babaen kadagiti residente iti nasao a lugar ngem nakigtotda ta bigla nga adda metten iti napasamak a rinnupak.
Adu dagiti tattao a manipod kadagiti nadumaduma nga estado ti amerika ti napan iti lugarda ngem dagiti dadduma ket adda iti sabali a panggepda.
Innayon ni Sumangil nga adda dagiti natiliw dagiti pulis a lugan nga aglaon ti pampabettak ken adu a plaka ti lugan a nakarehistro kadagiti nadumaduma a paset ti Amerika.
