Insayangkat ti House Committee on Information and Communications Technology ti maysa a gakat a mangmangted ti salaknib kadagiti agar-aramat ti cellphone kontra kadagiti unsolicited digital communication.
Segun ken ni Rep. Miguel Luis “Migz” Villafuerte a chairman iti panel, manarimaan ti technical working group a mangsimsimpa kadagiti probisyon iti gakat a “No Call, No Text, No E-Mail Registration Act”.
Agar-aramidda ti maysa a napagtipon ti bersyon manipod iti uppat a pending a gakat a House Bill No. 485, House Bill 797, House Bill 1342, ken House Bill 1687.
Gagem ti gakat a salakniban dagiti subscriber ti cellphone ken agar-aramat ti email kontra kadagiti nagpanggep a piliten ida a gumatang ti produkto wenno serbisyo babaen ti saan a makidkiddaw a tawag, text wenno email.
Maibasar ti gakat, ti National Telecommunications Commission ti mangdatag ti “No Calls, No Text Messages, and No Electronic Mails” registries.
Naipasigurado a pribado ken natalged ti pakabigbigan dagiti nakarehsitro a tao ken dagiti laengen numero ti cellphone ken email address laeng iti mabalin a ma-access.
