Impakaammo ti House prosecution panel a 70% dan a makumpleto iti panangidatag dagiti ebidensia para iti confidential funds articlw wenno Article 1 ti impeachment trial kontra ken ni Vice President Sara Duterte.
Segun ken ni panel spokesperson Representative Renee Co, dakkel a bulto dagiti dokumento ken dagiti kasapulan a testigo ti balligi a naipresentar dagiti prosecutor iti impeachment court tapno paneknekan ti maipagarup a maanomalya a panagaramat ti bise president iti confidential ken intelligence funds.
Target ti prosecution a malpas ti panangipresentar iti nadakamat nga artikulo inton Miyerkules, Setyembre 9, kas panangsurot iti immuna a manifestation nga impila ti prosekusion iti Senado.
Impaganetget ni Co a nalawag a maipak-pakita iti panagdengngeg ti buo a ladawan iti maipagarup a saan nga husto a panagaramat ti pondo ti publiko, a maibilang a maysa a betrayal of public trust ken nalawag a pagibasaran iti impeachment.
