Pabor ni House prosecution ken Manila Rep. Joel Chua ti gakat a mayatiddog ti schedule ti impeachment trial ni Vice President Sara Duterte tapno mapadaras a malpas.
Ngem kinunan a saan a rumbeng a makompromiso ti napaspas a trial iti sustansya iti kaso.
Iti agdama ket maisaysayangkat ti impeachment trial manipod alas dies ti bigat agingga alas tres iti malem manipod Lunes agingga Mierkules.
Adda dagiti gakat a mangisayangkat ti Senado ti regular a session iti bigat ken maisaruno ti impeachment trial agingga malpas ti agenda iti dayta nga aldaw, ken adda pay singasing a maisayangkat ti trial hearings tunggal Biernes.
Kinuna ni Chua nga ad-adalen ti prosecution no mabalinda a kissayan ti bilang dagiti testigo a maipasango tapno paneknekan ti Article I, a mangak-akusar ken ni Duterte ti madi a panagaramat ti confidential funds.
