Prosecution, nangipakita iti simulated P125-M cash iti impeachment trial

Nangipakita ni Atty. Amando Ligutan iti simulated representation ti P125 million a cash kabayatan a salsaludsodenna ni Gina Acosta mainaig iti mapapati a nakitana a P125 million a confidential funds.

Kwinestion daytoy ni defense counsel Atty. Lindon Bacquel, a nagdamag no AI-generated ti ladawan.

Kinumpirmaran ni Ligutan a nagaramatda iti teknolohia ta awan ti aktwal a P125 million cash-da nga ipakita.

Nadlaw met ni Presiding Officer Chiz Escudero a mabalin a saan nga eksakto ti ladawan gapu ta kasla dadakkel ti naipakita a P1,000 bills.