Anti-poor ken anti-people para ken ni House Deputy Minority Leader ken ACT Teachers Partylist Rep. Antonio Tinio ti 2027 National Expenditure Program a naipasa iti Kongreso babaen ti Department of Budget and Management.
Segun ken ni Tinio, saan a naipangruna iti 2027 national budget dagiti nasken a matutukan kas ti social services nangruna dagiti serbisio kadagiti umili iti sektor ti edukasion, salun-at, ken pabalay.
Nadismay ani Tinio a saan a dagiti umili ti ad-adda a naipangruna ti administrasion iti panangbukel ti national budget no di ket dagiti proyekto a pabor iti korporasion ken militar.
Dinakamat ni Tinio ti nayon wenno dakdakkel nga alokasion para iti Pambansang Pulisya ken war machinery ti military kasta payen ti dimmakkel a pondo iti Department of Public Works and Highways (DPWH) agraman ti para iti Flood Control Program.
