Manamnama ti nasayaat a galad ti amin nga umatendar iti impeachment trial ni Vice President Sara Duterte, pakairamanan ti publiko a maikkan ti innem a pulo ket maysa a tugaw iti Session Hall, segun ken ni Senate Secretary ken Impeachment Clerk of Court Atty. Renato Bantug Jr.
Pinasingkedan ni Bantug a mangisagana ti sag-45 a tugaw para iti prosekusyon ken depensa, idinto a 61 a tugaw met para iti publiko.
Namnamaen na ti nainget a panang-surot iti proper decorum, pakairamanan ti husto a panagkawes ken panangikabil ti silent mode wenno panag-off ti cellphone kas respeto iti impeachment court.
Saan a mapalubosan dagiti ag-bado ti T-Shirt nga adda nakasurat nga statement na, ket no makalusot dagituy ket mabalin a maparruar iti session hall.
Impalagip pay ni Bantug a maiparit ti panagala ti ladawan iti uneg kas panangsurot iti kadawyan a pagannurotan dagiti korte.
