Inrusat ti Ilocos Sur National High School ti ‘Project Libro’ nga agpaay para kadagiti agad-adal iti Burgos Memorial School East.
Iti pannaki-uman ti Bombo Radyo Vigan ken ni Lany Corpuz, Head Teacher ti Burgos Memorial School East, dayawen ken bigbigenna ti kinapateg daytoy a ganuat ti ISNHS babaen kadagiti Grade 12 HUMSS a nangisayangkat iti research-da ta ibilangna a dakkel a tulong tapno masurwan dagiti agad-adal nga agbasa nangruna dagiti pulos a saanna pay nga ammo.
Bigbigenna pay ti kinapateg ti panagbasa ti libro ta madanon ti tunggal maysa ti kayatna a papanan.
Pagyamananda met ti ISNHS babaen iti kaadda dagiti Grade 12 student ta marikna dagiti agad-adal iti ragsak iti inda panagsursuro nga agadal.
Dagiti libro a nausar ket indonar ti University of Northern Philippines ken St. Paul College of Ilocos Sur.
