VIGAN CITY – Maragsakan ni Ilocos Sur Governor Jerry Singson ta saan a naidayo dagiti programa iti gobierno probinsya kadagiti nadakamat a kalikagum ni President Ferdinand “Bongbong” Marcos Jr iti kalkalpas a state of the nation address na.
Iti pannaki-uman ti Bombo Radyo Vigan kenni Gov. Singson, saan a naidayo dagiti programa ken kalikagum ti administasyonna kadagiti nadakamat ti presidente a kayatna a maaramid ken maipatungpal ditoy pagilyan.
Natalek ni Singson a babaen kadagiti programa iti administasyonna ket matulungan dagiti nadumaduma a sektor ta nadakamat ni President Marcos dagiti mannalon.
Innayon ti gobernador a kayatna nga agprogreso iti biag dagiti mannalon iti probinsya pakairamanan iti pamilyada ta adda dagiti programa a mabukel kas ti farmers schoolar, libre a hospitalization, libre a panagadal ken iti agtultuloy a pannakaiwaras dagiti farm equipments, agricultural facilities, libre a rice ken corn seed.
