Nangipila ni Senador Win Gatchalian ti maysa a gakat tapno amyendaran ti Philippine Teachers Professionalization Act of 1994 wenno ti Republic Act no. 7836 tapno repasoen ti licensure examination dagiti mangisursuro.
Pinasingkedan ni Gatchalian, chairman ti Senate Committee on Finance a naikeddeng iti Senate Bill no.52 tapno manayonan ti miembro dagiti Board for Professional Teachers tapno mapasayaat ti examination.
Maaddaan pay ti agsina nga examinations para iti special needs ken early childhood education kalaksidan dagiti maisaysayangkat para iti elementary ken secondary level.
Kasapulan met a mangala ti refresher course dagiti saan a makapasa iti dua a gundaway iti licensure examination.
Kabayatanna, maaddaan met ti bileg ti Teacher Education Council (TEC) a mangidutok ti pagannurotan iti panagsagana, pag-assess ken panagsukisok iti maipasa a portfolio.
