Dinayaw ni Deputy Speaker Paolo Ortega V ni Majority Leader Ferdinand Alexander “Sandro” Marcos iti panangpatalinaed ti produktibidad ti House of Representatives iti baet ti panag-asikaso kadagiti impeachment complaint.
Segun ken ni Ortega, iti salinong ti panangidaulo da Marcos ken Speaker Faustino Bojie Dy III, saan a naitantan ti panagipasa dagiti priyoridad a gakat ken napapateg a resolusion uray no sumangsango ti Kamara kadagiti seryoso a constitutional responsibility.
Inlawlawag ti opisial a ti impeachment ket maysa a responsibilidad, ngem maysa laeng detuy kadagiti adu a responsibilidad ti Kamara.
Karaman iti idurduron ni Marcos ti No Work, No Pay for Members of Congress, ken pannaka-ikkat ti travel tax a a mangpapigsa ti turismo ti pagilian.
