Nakaituding nga iproklamar ti Commission on Elections (Comelec) dagiti nangabak a party-list organizations iti kalkalpas laeng a midterm elections.
Segun ken ni Comelec chairman George Erwin Garcia, inkeddeng ti National Board of Canvasser nga isayangkat ti proklamasyon inton alas tres iti malem madamdama, May 19, 2025.
Inlawlawagna nga awan ti mapasamak a partial proclamation nu diketdi sibubukel a listaan dagiti managabak.
Innayonda a mangiruar ti NBOC iti resolusyon iti proklamasyon kadagiti nangabak a party-list groups pakairamanan ti bilang dagiti nakaituding a tugaw para kadakuada.
Adda iti innem a pulo ket tallo a tugaw iti nakaituding kadagiti party-list representative ngem kitkitaen ti COMELEC ti legal remedy iti kiddaw dagiti dadduma a grupo a rumbeng nga adda pay nayon a maysa.
