--Ads--
VIGAN CITY – Nagasuk ti maysa a lugan idiay Candon ngem awan ti nadangran iti napasamak.
Nadlaw ni PLTCOL Ariel Celino, Officer-In-Charge ti napigsa a panagbusina ti lugan bayat ti COMELEC Checkpoint-da.
Nagresponde dagiti pannakabagi ti linteg ket natakuatanda a maur-uram ti unegna isu a nagpatulongda iti Bureau of Fire Protection tapno depdepen ti apoy.
Nagtitinnulong pay nga immuna dagiti empleyado ken kapulisan a mangdepdep babaen ti fire extinguisher bayat ti panangiyur-urayda iti BFP.
-- ADVERTISEMENT --
Maibasar ti pakpakauna a takuat ti BFP, ti wirings ti rason no apay a nagapuy ti lugan.
Nupay kasta, nangisayangkat dagiti pulis iti area security tapno masigurado nga awan ti sabalin a nairaman ken nadangran iti napasamak.