VIGAN CITY – Naideklaran a Covid19 free ti Ilocos Sur kalpasan iti las-ud ti nasurok tallo a bulan a pannakairekord dagiti nagsasaruno a kaso.
Dayta ket babaen ti panagtitinnulong ti tunggal Local Government Unit tapno mabantayan dagiti umili ken saan nga agraira iti lugarda ti virus kasta payen ti panangsurot dagiti residente kadagiti maipatpatungpal a health protocols.
Namnamaen ti provincial government nga agtultuloy a maparmek ti Covid19 ditoy probinsian nangruna ita a malukatanen kadagiti mangayat nga umay pumasiar nga aggapu iti Luzon ken Metro Manila tapno maibangon ti nalugi a sektor ti turismo.
Nagyaman ni Gov. Ryan Singson iti pannakitinnulong ti tunggal maysa ken numan pay awanen ti Covid19 ditoy probinsia ket napateg latta nga itultuloy ti tunggal agindeg a sumurot kadagiti mayetnag a pagannurotan tapno awan ti makaptan iti nasao a sakit.
