Kinontra ti opisina ti Police Regional Office 11 ti agwarwaras iti social media mainaig iti pannaka-raid ti pagtaengan ni dati a Presidente Rodrigo Duterte.
Segun ken ni PRO-11 Director Police Brig. Gen. Leon Victor Rosete, planoda ti mangisayangkat iti legal a tignay kontra kadagiti agiwarwaras iti madi nga impormasyon mainaig iti panangraid dagiti pulis ti pagtaengan ti dati a presidente a naibalud ita idiay The Hague, Netherlands gapu iti kaso a crimes against humanity.
Innayon ni Rosete nga awan ti nakaschedule nga operasyon ti ania man a law enforcement unit iti pagtaenga ti dati a presidente ken awan ti korte a nangiruar iti ania man a search warrant kontra kadagiti sanikua a mainaig iti pamilia Duterte.
Makikamkammayetdan iti CIDG, SAF ket nakumpirmaran nga awan ti inaramidda nga operasyon iti pagtaengan ti dati a presidente.
