Indeklarar ti pagilian a Dubai nga awan ti trabaho iti tallo nga aldaw iti biang ti private sector gapu iti agtultuloy a rinnupak idiay Middle East.
Iti pannaki-uman ti Bombo Radyo Vigan ken ni Bombo International News Correspondent Richard Talingting nga adda idiay Dubai, ti no work iti pribado a sektor ket nangrugi idi kalman, March 1 nga agpaut agingga March 3.
Segun ken ni Talingting, iti baet a naideklarar ket nakadepende latta kadagiti kompania no kasapulan a sumrek iti trabaho dagiti kamengda ngem no out-door iti trabaho ket nainget a sumurot iti deklarasyon gapu iti peggad iti aglawlaw.
Iti agdama ket awan pay laeng met iti impakaammo iti Dubai no posible a mayatiddog ti suspensyon iti kina-awan ti trabaho iti nasao a sektor.
Kabayatanna, imbingay ni Talingting a ti kapautnan idiay Dubai ket umuna a gundawayna a napadasan iti kastoy a sitwasyon ket adda butengda iti kumarkaru a tensyon gapu iti kinaawan ti bomb shelter iti nasao a pagilian ngem nakasaganada latta a kanayon tapno no bilang maibakwitda ket insigida a makapanda.
