VIGAN CITY – Lintegen ti maysa a gakat a mangimandato kadagiti private higher education institution nga ikkaten ti college entrance examination fees ken dadduma pay a masingir kadagiti estudiante a kwalipikado para iti college admission.
Dayta ket gapu ta nag-lapsed ‘into law’ ti Republic Act 12006, wenno ti Free College Entrance Examinations Act idi Hunyo 14, 2024.
Iti nasao a linteg, masapul a tulongan dagiti ‘disadvantaged students’ nga adda potensyalna iti academic excellence.
Exempted dagiti kwalipikado a graduates ken graduationg students manipud iti panagbayad iti entrance examination fees nga imatonan ti higher education institution.
Iti salinong ti linteg, ti maysa a graduationg student ket agbalin nga ‘eligible’ para iti waiver ti college entrance exam ken charges ngem adda lima a kondisyonna.
Umuna, no graduate wenno graduating student ket masapul a natural-born Filipino citizen; maikadua, nasken a ti estudiante ket karaman iti top 10 ti graduating class; maikatlo, nasken a maibilang iti pamilia a ti combined income da ket nababbaba ngem iti’poverty threshold’ a bigbigbigen ti National Economic and Development Authority; maikapat, ti estudiante ket nasken nga agapply para iti college entrance exam iti aniaman a private higher schools iti uneg ti pagilian; ken masapul a masurotna amin ti requirements a kiddawen t private school.
