VIGAN CITY – Mapan idiay New Clark City idiay Capas, Tarlac dagiti lima pulo a national technical officials ti athletics tapnu umatendar da iti naduma-duma a seminar ken training para iti maisayangkat a 30th Southeast Asian Games inton umay a bulan.
Ti pannaki-uman ti Bombo Radyo Vigan ken ni Salomague Elementary School principal Ronel Ubaldo a maysa kadagiti nagasat a napili a national technical officials iti athletics ken kakaisuna a naggapu ditoy probinsiya, nadakamat na nga inton October 19 agingga 23 iti pannakaisayangkat ti refresher course para kadakuada ket kalpasan na, addan to ti maisayangkat a pre-competition idiay New Clark City.
Napili ni Ubaldo a maysa kadagiti national technical officials iti athletics ta nakita dagiti international technical officials iti performance na kas maysa a technical official idi naisayangkat ti Palarong Pambansa idiay Davao City idi Abril.
Ni Ubaldo ket tallo a nagsasaruno a tawen a nagserbi kas technical official ti Palarong Pambansa iti benneg ti athletics.
