--Ads--
Imbutaktak ti asawa ni Olympic boxer Eumir Marcial ti panagbab-babai ken panangdangdangranna kenkuana.
Segun ken ni Princes Marcial, naduktalanna ti asawana nga adda sabali a babaina iti maysa a condominium iti siudad ti Pasay ket impatiliwna pay ida isu a naibaludda iti lima nga aldaw.
Uray kasta ti napasamak, sinurotna ti balakad ti pamiliana a simpaenda ken pagbigyanna ti asawana ngem adda manen nakaibaga kenkuana nga adda kabkabbalay a babai ti boksingero idiay Zamboanga.
Kadagiti komprontasyonda ket dinangran ti boksingero ti asawana isu a nagsaritan iti publiko para iti kinatalged payen ti pamiliana.
-- ADVERTISEMENT --
Desidido met daytoy nga agipila iti kaso kontra iti Olympic boxer.
