Naipatungpal kadagiti sumagmamano a lugar iti pagilian nga adda iti state of calamity ti price freeze kadagiti kangrunaan a magatang gapu iti habagat, naglabas a bagyo ken dry spell, segun iti Department of Trade and Industry.
Maipatpatungpalen ti price freeze kadagiti amin a basic necessities kadagiti lugar iti pagilian a naapektaran iti bagyo Maymay, Inday, habagat, ken dry spell.
Karaman kadagiti lugar nga epektibo ti price freeze ti probinsia ti Pampanga gapu iti habagat.
Iti salinong ti Republic Act No 7581 wenno Price Act, sakup iti price freeze iti basic necessities ti presio tib agas, karne, mais, ikan, nateng, prutas, delata, ken dadduma pay a marine products, nadalus a danum, processed milk, locally manufactured instant noodles, kape, asin, laundry soap ken detergents, agraman kandela.
Gagem ti addang a mapagtalinaed nga stable ti presio dagiti magatang ken masigurado a saan a maabuso.
