Nagpanawagan ni Agimat Partylist Rep Bryan Revilla iti gobierno ti panagadal ti dagus a panangipatungpal ti price freeze kadagiti kangrunaan a magatang.
Segun ken ni Revilla, nasken nga agtalinaed a nasipot tapno maikkatan ti posible nga epekto ti panagngato ti presio ti langis ken dadduma pay nga imported a produkto nga adda direkta nga implikasion na iti gatad dagiti kangrunaan a magatang.
Immapela pay ti opisial iti Department of Trade and Industry (DTI), ken Department of Agriculture (DA) nga ipatungpal ti emergency provisions dagiti linteg kas ti Republic Act No. 7581 kasta met dagiti dadduma pay a mekanismo a mabalin a maaramat tapno mapagtalinaed ti kinatibker ti presio ken maprotektaran dagiti umili.
Nagbalaag ni Revilla kontra iti mananggundaway nga indibidwal ken negosiante a mabalin nga aboswen ti sitwasion babaen iti saan a nainkalintegan a panagngato ti presio dagiti magatang.
