Idurduron ti Senado ti gakat a mangted dalan tapno maipasidong iti price control dagiti produkto petrolyo kas ti diesel ken gasolina iti panawen ti krisis.
Impila ni Senador Bam Aquino ti gakat a gagemna a risuten ti agdama a kinakurang iti Republic Act 7581 wenno Price Act a saanna a sakop ti price control kadagiti kangrunaan a fuel products uray pay dakkel ti epekto na iti presio dagiti magatang.
Iti salinong ti gakat, mabalin a maipataw ti price control iti agingga ti uneg ti tallopulo nga aldaw no adda krisis, at-atiddog no ikumpara iti agdama a sangapulo ket lima nga aldaw a sakop ti LPG ken kerosene.
Impaganetget ni Senador Aquino nga uray deregulado nga industriya ti langis ket saan a masapul a baybay-an a ngumato ti presio kangrunaan no direkta a maapektaran ti pagbiagan dagiti Pilipino.
