Imbilin ni Education Sec. Sonny Angara kadagiti field office ken pagadalan iti Department of Education a mangipatungpal ti preventive actions tapno masigurado a natalged dagiti mangisursuro ken agad-adal iti baet ti kumarkaru a kinabara iti panniempo.
Dagiti karaman nga ipatungpal ni Angara ket ti panag-adjust iti class schedule, posible a panangisayangkat ti alternative delivery modes, panangpasayaat ti ventilation dagiti classroom ken panangsigurado nga adda hydration stations kadagiti pagadalan.
Segun ken ni Angara, madanaganda unay iti kinatalged dagiti agad-adal ken mangisursuro isu a nainget iti pannakikammayetda kadagiti field offices tapno ma-assess iti sitwasyon kadagiti pagadalan tapno makatignay ita a nabara ti panniempo.
Sumagmamano a lokal a gobierno ket nagsuspenson iti klase gapu iti nangato a heat index.
Sinigurado ti Malakanyang a nakasagana itigobierno iti kumarkaru a kinabara iti panawen ditoy pagilian.
