VIGAN CITY – Posible pay a ngumina ti presyo ti sibuyas iti pagilian manipud iti agayay-ayam a presyona ita kadagiti dadduma a paggatangan a PHP280-PHP400 gapu ti awan a local production ken no saan a mamonitor a nasayaat.
Iti pannaki-uman ti Bombo Radyo Vigan ken ni Samahang Industriya ng Agrikultura Chairman Rosendo So, saan met a mabembenepisyaran dagiti mannalon numan pay nangina ti presyo ti sibuyas agsipud ta dagiti white onions a naiserrek ditoy pagilian ket smuggled.
Innayon ni So a nagpatangda idi Oktubre ken ni Presidente Ferdinand “Bongbong” Marcos Jr inaig ti panagangkat iti puraw a sibuyas gapu ti awan nga apit ngem saan a nakaiparuar ti Bureau of Plant Industry iti SPSIC isu a saan a nakastrek.
Nupay kasta, inyunay-unay ti opisial a nasken ket maadal a nasyaat ti nasao a banag tapno saan met a kakaasi dagiti konsyumer a gumatang iti nangina a sibuyas ta uray kadagiti mannalon ket mabalin a magatang kadakuada iti tallopulo ket lima a pisos a saan a pabor para kadakuada.
