Presyo ti galunggong, posible a lumaka iti sumarsaruno a lawas

Awan ti rumbeng a pagdanagan iti publiko ita a nangina ti presyo ti galunggong iti merkado.

Segun ken ni SINAG Chairman Rosendo So, agsublinto met laeng iti normal kadagiti sumarsaruno a lawas ti presyo ti galunggong.

Ti ingi-ngina ti presyo ket gapu iti bassit nga naala ken epekto dagiti simrek a bagyo iti pagilian.

Inton agsubli ti fishing ground iti nasao a klase ti ikan ket sigurado a lumaka ti presyo ti poor man’s fish.