VIGAN CITY – Mangnamnama ni Provincial Animal Quarantine Officer Martel Quitoriano a bumaba iti presyo ti karne ti baboy ditoy probinsya.
Segun kenni Quitoriano iti programa Ryannniag ti Ilocos Sur, masapol nga agsubli ken umado iti populasyon ti baboy sakbay a bumaba iti presyo kadagiti nadumaduma nga ili ken merkado publiko.
Nadumaduma iti presyo ti live weight dagiti baboy tunggal ili ta adda iti nalaka ken nangina a maysan to kadagiti lumaka kadagiti masangwanan nga aldaw.
Innayon ni Quitoriano a umanay iti supply ti baboy a para kadagiti consumer ta impalubosda nga adda iti frozen a karne a maaramat para iti produksyon ti bagnet ken longganisa.
Impakammu pay ti opisyal a maipalubusen a gumatang ti baboy a manipod ti umuna ken maikaddua a distrito ti probinsya ngem masapol a makikinnammayet ti opisina ti municipal agriculture office wenno live stock officer ta maikkanda ti certification.
