Inwaragawag ti Department of Trade and Industry nga awan ti nguminaan iti presyo dagiti kangrunaan a magatang agingga katapusan ti Disyembre.
Segun ken ni DTI Sec. Ma. Cristina Aldeguer-Roque, ikagkagumaanda a saan a ngumina ti presyo dagiti produkto tapno napintas met laeng ti paskua dagiti konsyumer.
Innayonna a saan a ngumina ti presyo iti nasurok kagudwa wenno 50 percent dagiti 200 a Noche Buena products.
Karaman kadagiti saan a ngumina ti presyo ti mayonnaise, ham, pasta, cheese ken all-purpose cream.
Numan pay adda dagiti sumagmano a manufacturer a nagkiddaw iti price increase gapu ta maysa tawenen a saanda nagpangina ti presyo uray pay no dagitoy ket imported, napagtulaganda iti DTI a nasken a saan a lumabes iti 5 percent ti panagpangato ti presyo.
