VIGAN CITY – Pinasingkedan ni Samahang Industriya ng Agrikultura Chairman Rosendo So nga awan iti parikut iti pannakaipatulod dagiti nadumaduma nga agricultural products uray no naka-community quarantine ti Luzon ken awan ti parikut iti presyo kadagiti agricultrural products.
Segun ken ni So, mayat tatta ti presyo ti pagay nga isu met ti pakaragsakan dagiti mannalon ken no maipanggep met iti presyo ti baboy ket mayat met ngem ti laeng adu a supply ti manok ti makitkitada a parikut ngem no pay kasta, mangnamnamada nga agsublinto met laeng ti normal.
Kabayatanna, agtultuloy met ti pannakaipaay ti tulong nga aggapu iti programa ti Department of Agriculture kadagiti mannalon nga agimulmula ta no man pay nabuntog idi damo ti panangiwaras ti Department of Social Welfare and Development ti nasao a tulong ket napaalisto met laeng babaen kadagiti local government unit.
No pay kasta, kiddawen ti opisial ti suporta dagiti mannalon iti pagilian babaen iti panangitultuloyda nga agmula tapno naanay latta ti produksyon ken saan a makurangan ti pagilian.
