--Ads--
Napagnunumuanen dagiti hog raiser ken meat vendor iti ili ti Narvacan ti presio ti liveweight a baboy.
Dayta ket kalpasan ti pannakaisayangkat ti taripnong tapno masolusyonan ti nalaka a presio ti baboy iti tiendaan.
Iti pannaki-uman ti Bombo Radyo Vigan ken ni Mayor Edna Sanidad, gagem ti napagnunumuan a presio a masigurado nga awan ti malugi a hog raiser ken meat vendor.
Innayon ti mayor a makanay pay laeng met ti suplay ti baboy tapno masungbatan ti pagkasapulan dagiti konsyumer.
-- ADVERTISEMENT --
Iti salinong ti napagnunumuan, naituding iti P190 ti 90-100 kilos ti liveweight a baboy; P185 ti 85-89kilos; P180 ti 80-84kilos; P175 ti 75-79kilos; ken P170 ti 70-74kilos.
Ti met presio ti karne ti baboy ket agtaltalinaed iti P320 kada kilo.
