Nagballaag ti Department of Energy a no agtultuloy ti riribuk iti Middle East ket posible a ngumina ti presio ti kada litro ti diesel iti nasurok P80 ita a bulan.
Iti panagdengngeg ti Senate Committee on Foreign Relations, kanayon nga ipalawlawag ni Senate Committee on Foreign Relations Chairman Erwin Tulfo no agingga mano ti abuten ti presio ti kada litro ti krudo nangruna ta adda immuna a report a posible a ngumina pay.
Segun ken ni DOE Oil Management Bureau Director Rino Abad, posible a nasurok P80 kada litro ti agbalin a presio ti diesel no mammaminsan nga ipatungpal dagiti oil company ngem no main-inut ket saan a dagus a dakkel ti nguminaanna.
Innayon ti opisial a posible a nakarkaro pay ti panagpangina ti presio ti langis ti riribuk iti Middle East no ikumpara iti riribuk iti nagbaetan ti Ukraine ken Russia.
