Pinasingkedan ti Department of Agriculture a ti average ti farm gate a presio ti irik ket agtultuloy a ngumatngato kadagiti bulan kasaruno ti decision ni Presidente Ferdinand Marcos Jr. a suspensoen ti panagangkat ti bagas manipud Setyembre agingga Disiembre.
Nangipakita daytoy ti nainginget a kondision ti domestic supply ken napasayaat a bargaining power para kadagiti mannalon.
Segun ti Philippine Statistics Authority (PSA) nagtalinaed a napigsa ti presio ti farm gate ti irik idi 2023 ken ngimmato pay idi Dry season ti 2023-2024 nga immabot ti P22 kada kilo ken ngimmato pay iti agingga P25 kada kilo iti sumagmamano a bulan.
Kasaruno ti panangpababa ti taripa ti bagas manipud tallopulo ket lima a porsiyento agingga sangapulo ket lima a porsiyento idi naudi a quarter ti 2024 ket ngimmato ti dakkel a bulto ti panag-import ti bagas a nagresulta ti adu a suplay ti domestic.
