Saan a mabalin a diktaran ti presiding officer dagiti mabalin ken maiparit nga isaludsod dagiti senador iti baet ti agtultuloy nga impeachment trial ni Vice President Sara Duterte.
Dayta ti inlawlawag ni Senate Impeachment Court Presiding Officer Chiz Escudero iti baet ti nagbalin a panagkwestion idi napan a lawas ni Senator-judge Pia Cayetano ken ni Senator-judge Risa Hontiveros gapu iti panagsaludsodna ken ni prosecution lawyer Atty. Amando Ligutan.
Inlawlawag ni Escudero a saanna kayat a kwestionaren ti panagsaludsod dagiti senator-judge gapu ta iti Impeachment Court, ket patas ken nawayada nga agsaludsod.
Kinunana nga agingga laeng palagip ti mabalinna nga aramiden kadagiti senator-judge no iti pagaripna ket saan a mayannatup wenno nasken a liklikan ti saludsod.
