--Ads--
Imbilin ni Presidente Ferdinand Marcos Jr. a maimbestigaran ti reklamo dagiti sumagmamano nga atleta a Pilipino, agraman ti Alas Pilipinas men’s volleyball team, mainaig iti mapapati a kinakurang ti suporta iti Asian Games idiay Japan.
Segun ken ni Palace Press Officer Claire Castro, saan a kayat ti Presidente a makapadas iti parikut dagiti atleta a mangibagi iti pagilian gapu iti panagkurang ti gobierno.
Gagem ti imbestigasion nga ammuen ti pudno a kapadasan dagiti atleta ken no adda kurang iti suportada.
Immunan a pinasingkedan ni Alas Pilipinas player Bryan Bagunas a kinasapulanda nga aramaten ti bukodda a kuarta para iti taraonda kabayatan ti kaaddada idiay Japan.
-- ADVERTISEMENT --
