VIGAN CITY – Sakbay ti Philippines 126th Independence Day, impaganetget ni Presidente Ferdinand Marcos Jr. ti kinapateg ti agtultuloy a panangilaban iti wayawaya, nangruna iti panangsaluad iti teritorio ken soberanya ti Pilipinas.
Alallukoyen ti presidente dagiti Pilipino nga aktibo a makipaset kadagiti event a manglagip iti Independence Day inton Hunio 12.
Kabayatanna, inrusat ti gobierno dagiti cultural project tapno mapagtalinaed ti kinasiasino dagiti Pilipino.
Karaman kadagiti aktibidad ti Independence Day nga inisponsoran ti gobierno manipud Hunio 10 agingga 12 ket dagiti cooking competition, chili-eating contest ken obstacle course idiay Luneta.
Adda pay dagiti booth a pakailakoan dagiti lokal a produkto, parada a pakakitaan ti duapulo ket dua a float, ken libre a konsierto iti Quirino Grandstand.
