Pinasingkedan ni Azerbaijani President Ilham Aliyev a ti nagswek ti passenger plane idi napan a lawas a nakatayan iti tallopulo ket walo a tattao ket na-damage babaen ti shooting manipod ground iti Russia, ngem adda dagiti nangilibak iti nasao a pasamak.
Immunan a nagkiddaw ti pammakawan ni Russian President Vladimir Putin ken ni Aliyev iti “tragic incident” idiay Russia airspace a nakairamanan ti plane kalpasan a nainaig ti Russian air defenses iti Ukrainian attack drones, ngem saan a naibaga nu natamaanda ti eroplano.
Ngem segun ken ni Aliyev, naaddaan ti electronic jamming ti eroplano ken aksidente a natamaan iti panagpabanto iti Russia idi nadanonda idiay Grozny City, southern Russia.
Kinuna ni Aliyev nga iti tallo nga aldaw ket nangngegda laeng iti kinaulbod iti Russia ta immunan a kinuna iti Russia a ti panagswek ket mainanaig kadagiti billit wenno ti panagbettak iti dadduma a parte iti gas cyclinder.
Pinasingkedan pay ti Azerbaijiani leader a kayatna nga awaten ti Russia a guilty-da iti panangpabanto iti eroplano ket rumbeng a madusa dagiti responsable iti pannakatay dagiti naglugan iti eroplano.
